Amount gathered till now

000.000.000Դ

everything starts from one dram

Power of one dram

is the CSR program of Idram, which was joined by IDBank. The program aims to support the development of a number of areas of vital and strategic importance in Armenia: healthcare, education, green economy, environmental protection, social responsibility and public safety.

#powerof1dram

Մի դրամի ուժը նախաձեռնության մայիս, հունիս ամիսների գումարն ուղղվելու է «Հայաստանի մանուկներ» բարեգործական հիմնադրամին՝ նպաստելու Լոռու մարզի տարբեր համայնքների երեխաների կրթության կազմակերպմանը։

«Մի դրամի ուժը» ԿՍՊ մշակույթ է փոխել Հայաստանում։ Նախաձեռնության փիլիսոփայության համաձայն՝ երկու ընկերությունների հաճախորդները առանց նույնիսկ 1 դրամ ավել ծախսելու դառնում են բարի կամքի դեսպան՝ ընդամենը վճարում կատարելով Idram&IDBank հարթակի միջոցով։

Ծրագրի նպատակն է հանրությանը ներկայացնել, թե որքան հեշտ կարելի է դիմակայել մարտահրավերներին և լուծել մեր առջև ծառացած խնդիրները, երբ բոլորը համախմբված են նույն նպատակի շուրջ։ Այստեղ մի դրամի դերը սիմվոլիկ է և ցույց է տալիս, թե որքան մեծ կարող է լինել վերջինիս ուժը, երբ մենք միավորվում ենք և մեր «մի դրամներն» ուղղում մեր երկիրը և շրջակա միջավայրն ավելի բարեկարգ ու զարգացած դարձնելու նպատակին։

Ամեն ինչ սկսվում է մի դրամից...

photos

#powerof1dram

Երկար ընդմիջումից հետո մարտ և ապրիլ ամիսների մեր շահառուն բնապահպանական ոլորտն է․ գարնան երկու ամիսների ընթացքում հավաքված բոլոր «մի դրամները» փոխանցվել են My Forest Armenia բնապահպանական կազմակերպությանը՝ Հայաստանի տարածքում անտառվերականգնման ծրագրին օժանդակելու համար։ IDBank-ն ու Իդրամը 10․757․867 գումար են փոխանցել հիմնադրամին, մասնակցել են Լոռու մարզի Ջրաշեն համայնքում անտառի հիմնման աշխատանքներին։

photos

#powerof1dram

2022 թվականի հունվար և փետրվար ամիսների ընթացքում կուտակված «մի դրամների» ողջ գումարը՝ 9.808.684 ՀՀ դրամ, փոխանցվեց «Ժպիտների քաղաք» բարեգործական հիմնադրամին՝ նպաստելով քաղցկեղով հիվանդ երեխաների համար թանկարժեք դեղամիջոցների ձեռքբերմանն ու երեխաների բուժմանը։

photos

#powerof1dram

2021 թվականի նոյեմբեր և դեկտեմբեր ամիսների ընթացքում «Մի դրամի ուժը» նախաձեռնության շրջանակում «Դասավանդի՛ր, Հայաստան» կրթական հիմնադրամին փոխանցեցինք 9․328․753 ՀՀ դրամ՝ այդպիսով դառնալով Nation Builder. ծրագրի շրջանակում հեռավոր համայնքների աշակերտները հնարավորություն կունենան ստանալ պատշաճ կրթություն, բացահայտել իրենց և իրենց համայնքի հնարավորություններն ու ներուժը։

photos

#powerof1dram

Հաջորդիվ «Մի դրամի ուժը» նախաձեռնության ուղղվածությունն առողջապահական էր․ 2021 թվականի սեպտեմբեր և հոկտեմբեր ամիսների ընթացքում կուտակված «մի դրամները»՝ 8․057․944 ՀՀ դրամ փոխանցվեց Հայաստանի երեխաների առողջության հիմնադրամին, որը կազմակերպում է կյանքին վտանգ սպառնացող հիվանդություններ ունեցող երեխաների բուժումն արտերկրում։

photos

#powerof1dram

2021 թվականի օգոստոս ամսվա ընթացքում կուտակված «մի դրամների» ամբողջ գումարը՝ 3.704.910 ՀՀ դրամ փոխանցվեց «Վահե Մելիքսեթյան» կրթաբժշկական հիմնադրամին։ Վահեն երազում էր մեր երկրին նվիրել կլինիկական դեղագետների և այդ ուղղությամբ հսկայական աշխատանք էր իրականացնում։ “Մի դրամի ուժը» նախաձեռնության նվիրատվության շնորհիվ կրթաթոշակներ տրամադրվեցին դեղագիտության ֆակուլտետի ուսանողներին։

photos

#powerof1dram

Հունիսին, երբ լրացավ «Մի դրամի ուժը» նախաձեռնության 1 տարին, Բանկն ու Իդրամը մասնակցեցին «Զինծառայողների ապահովագրության հիմնադրամի» և «Մեգերյան կարպետ» ընկերության կողմից համատեղ իրականացվող «Արևագորգ»-ը գործելու նախաձեռնությանը։ Բանկի և Իդրամի աշխատակիցները «բարեգործեցին» ու 1000 կապ ավելացրին Արևագորգին և հայտարարվեց, որ «Մի դրամի ուժի» հունիս և հուլիս ամիսների գումարն ուղղվելու է «Զինծառայողների ապահովագրության հիմնադրամին»։ Հուլիսի ավարտին հիմնադրամին փոխանցվեց 6․925․000 ՀՀ դրամ։

photos

#powerof1dram

«Մի դրամի ուժը» շարունակում էր թափ առնել, և մեր հաճախորդները գնալով ավելի շատ վճարումներ էին կատարում Idram&IDBank հավելվածով, իսկ դա նշանակում էր՝ ավելի շատ «մի դրամներ» մեր շահառուներին։ 2021 թվականի մարտ, ապրիլ և մայիս ամիսների ընթացքում հավաքված «մի դրամների» ողջ գումարը՝ 8․648․000 ՀՀ դրամ, փոխանցվեց «ՎԻՎԱ – Բժիշկներն ու կամավորները՝ Հայաստանին» հիմնադրամին, որի հետ համագործակցել էինք նաև պատերազմի ընթացքում՝ միջոցներ հատկացնելով սահմանամերձ գոտիներում հոսպիտալների վերազինմանը։ Պատերազմից հետո հիմնադրամն արտերկրում կազմակերպում էր այն զինծառայողների բուժումը, ում բուժումը Հայաստանում արդյունավետ չէր։

photos

#powerof1dram

2020 թվականի դեկտեմբերի 1-ից 2021թ․ փետրվարի 28-ն ընկած ժամանակահատվածում կուտակված «մի դրամները» փոխանցվեցին «Հայրենիքի պաշտպանի վերականգնողական կենտրոնին»՝ ընդհանուր առմամբ 6․962․504 ՀՀ դրամ, ինչը պայմանավորված էր իրենց առողջությունը մեր երկրի համար չխնայած զինծառայողների կողքին լինելու ցանկությամբ և նրանց վերականգնողական ծրագրերին սատարելու նպատակով։

photos

#powerof1dram

Պատերազմը շարունակվում էր, վիրավորների ու զոհերի թիվն աճում էր, և այդ փուլում կենսական անհրաժեշտություն կար կանգնելու «Զինծառայողների ապահովագրության հիմնադրամի» կողքին։ «Մի դրամի ուժը» հոկտեմբեր և նոյեմբեր ամիսների «մի դրամների» ողջ գումարը՝ 3․603․ 291 ՀՀ դրամ, փոխանցվեց 1000+ հիմնադրամին։ Բացի այդ IDBank-ն իր ողջ անձնակազմով հանդես եկավ մեկ այլ նախաձեռնությամբ` «Միասին՝ հանուն բանակի»․ աշխատակիցներից յուրաքանչյուրն իր ընտրությամբ կրկնապատկեց, եռապատկեց, հնգապատկեց կամ տասնապատկեց 1000+-ին ամեն ամիս փոխանցվող գումարը։

photos

#powerof1dram

Նախաձեռնության հաջորդ ծրագիրը բնապահպանական էր․ սեպտեմբեր ամսվա ողջ գումարով նախատեսված էր Armenia tree project-ի հետ համատեղ Ծիծեռնակաբերդի հուշահամալիրի տարածքում՝ այրված անտառի հատվածում, ծառատունկ իրականացնել։ Սակայն մեկնարկեց պատերազմը և մեր գործընկերների համաձայնությամբ սեպտեմբեր ամսվա ողջ գումարը՝ 2․017․218 ՀՀ դրամ մենք հատկացրինք «Հայաստան» համահայկական հիմնադրամին, որին այս նախաձեռնությունից դուրս IDBank-ն ու Իդրամը հատկացրեցին ևս 100․000․000 ՀՀ դրամ։ Բացի այդ հենց Idram&IDBank հավելվածում հնարավորություն ստեղծվեց ընդամենը մեկ հպումով նվիրատվություն կատարել «Հայաստան» համահայկական հիմնադրամին և «Զինծառայողների ապահովագրության հիմնադրամին»։

photos

#powerof1dram

Նախաձեռնությունը մեկնարկեց քովիդյան ժամանակաշրջանում, երբ բազմաթիվ երեխաներ տանը համապատասխան սարքեր չունենալու պատճառով դուրս էին մնում կրթական գործընթացից։ Հաշվի առնելով այն հանգամանքը, որ հատկապես բարձր լեռնային ու սահմանամերձ գյուղերի երեխաների համար անհրաժեշտ էր ապահովել կրթության շարունակականությունը, «Մի դրամի ուժի» առաջին ծրագրի շրջանակում IDBank-ն ու Իդրամը 50 համակարգիչ նվիրաբերեցին այն երեխաներին, որոնք առողջական խնդիրներից ելնելով չէին կարողանալու հաճախել դպրոց։ Հունիս, հուլիս և օգոստոս ամիսների գումարը կազմեց 5․538․727 ՀՀ դրամ։

Report

How much is my contribution?

Donwload now