Նորարար վճարային լուծումների առաջատարը Հայաստանում

Իդրամը սկսել է իր գործունեությունը 2004 թվականին որպես ստարտափ նախագիծ, իսկ այսօր վստահորեն Հայաստանում առաջատար ֆինտեխ հարթակ է՝ 450-ից ավել ծառայություններ և QR վճարումների ամենամեծ ծածկույթն ապահովող թվային դրամապանակ։

Համակարգի օպերատորն է «Իդրամ» ՍՊԸ-ն (պետական գրանցման վկայական), որը ՀՀ կենտրոնական բանկի կողմից լիցենզավորվել է 2009 թվականի դեկտեմբերի 29-ին («Դրամական փոխանցումների լիցենզիա N 13»):

«Իդրամ» ընկերությունը 2012 թ. Կենտրոնական բանկի կողմից ստացել է էլեկտրոնային փող թողարկելու թույլտվություն՝ դառնալով առաջինը Հայաստանում:

ԿԲ խորհրդի 2016 թ. մարտի 31-ի որոշմամբ՝ «Իդրամ» ՍՊԸ-ն ստացել է վճարային գործիքների և վճարահաշվարկային փաստաթղթերի պրոցեսինգ և քլիրինգ իրականացնող կազմակերպության լիցենզիա:

Իդրամն առաջարկում է արագ, հեշտ և անվտանգ վճարային լուծումներ ինչպես անհատների, այնպես էլ բիզնեսների համար՝ թվային ապառիկից մինչև արդեն միջազգային վճարային համակարգեր։ 

• QR անհպում վճարումներ
• Օնլայն բանկինգ
• Առցանց գնումներ
• Տեղական և միջազգային փոխանցումներ
• B2B լուծումներ գործընկեր բիզնեսների համար

Այսօր Իդրամ QR-ով հնարավոր է վճարել ավելի քան 26,000 վաճառակետում և 1,000+ առցանց խանութներում։ Վճարել արագ, հեշտ, ապահով մեկ հպումով։

29․09․2025թ․ Հայաստանի Հանրապետության Կենտրոնական բանկի խորհրդի որոշմամբ «Իդրամ» ՍՊԸ-ին տրամադրվել է «ԻդրամՆեթ» QR վճարումների հայաստանյան համակարգի ստեղծման և գործունեության թույլտվություն։  Սա նշանակում է, որ ԻդրամՆեթը QR վճարումների համակարգ է, որը իրավունք ունի Հայաստանում ընդունել QR վճարումներ համակարգի մասնակից և գործընկեր կազմակերպությունների հաճախորդներից։

Իդրամը հանդիսանում է ID Group-ի անդամ։

«Իդրամ» սահմանափակ պատասխանատվությամբ ընկերության մասնակիցներն են հանդիսանում՝ «ԱՅԴԻ ԳՐՈՒՓ» փակ բաժնետիրական ընկերություն՝ 76,00% բաժնեմասով (գործունեության տեսակ՝ բազմապրոֆիլ խումբ) և «ԱՅԴԻ ԲԱՆԿ» փակ բաժնետիրական ընկերություն 24,00% բաժնեմասով  (գործունեության տեսակ՝ բանկային գործունեություն)։ «ԱՅԴԻ ԳՐՈՒՓ» փակ բաժնետիրական ընկերության կառուցվածքի գծապատկերին կարող եք ծանոթանալ հետևյալ հղումով»

Ընկերության վարչակազմակերպական կառուցվածքը

Խորհրդատվական ծառայություններ և աուդիտ