«Իդրամ» վճարային համակարգն իրավաբանական անձանց հնարավորություն է ընձեռում ապրանքներ եւ ծառայություններ վաճառել ինտերնետում եւ դրանց դիմաց ընդունել առցանց վճարումներ: 
«Իդրամ» վճարային համակարգին միանալու համար անհրաժեշտ է կնքել պայմանագիր համակարգի օպերատոր` «Իդրամ» ՍՊԸ հետ: Համակարգին տեխնիկապես միանալու գործընթացը կատարվում է պայմանագիրը կնքելուց հետո` մի քանի ժամվա ընթացքում:
 
Միացման գործընթացի համար, ինչպես նաեւ համագործակցության ընթացքում որեւէ վճար չի պահանջվում: «Իդրամ» վճարային համակարգի միջոցով վճարումներ ընդունելու համար խանութը համակարգին վճարում է միջնորդավճար`սկսած տվյալ խանութի ամսեկան շրջանառության 3%-ից:

 
Հաճախորդի վճարման կարգը

Ապրանքատեսակը կամ ծառայությունն ընտրելուց հետո, հաճախորդին առաջարկվում է վճարել «Իդրամ» վճարային համակարգի միջոցով: Ընտրելով «Իդրամը» որպես վճարման միջոց` հաճախորդն ուղարկվում է «Իդրամ»-ի պաշտոնական կայք` վճարում կատարելու: Վճարումն ավարտելուց հետո հաճախորդն ավտոմատ կերպով վերադառնում է  խանութի կայք:
 
 
Վճարված գումարը խանութին փոխանցելու կարգը

Ապրանքների եւ ծառայությունների դիմաց հավաքագրված գումարները փոխանցվում են առցանց խանութի բանկային հաշվին կատարողական ակտի հիման վրա, ամիսը մեկ անգամ: Կախված գումարի չափից, ըստ հավելյալ պայմանավորվածության, հնարավոր է բանկային փոխանցումներն իրականացնել ավելի հաճախ:
 
 
Համակարգից օգտվելու պայմանները

• Խանութը պետք է ունենա պատրաստի կայք:
  
• Կայքի բոլոր ներքին հղումները պետք է ճիշտ աշխատեն:
  
• Առցանց խանութի կայքի վրա պիտի անպայման նշված լինեն խանութի գործող հեռախոսահամարը եւ էլ. փոստի հասցեն:
  
• Առցանց խանութի կայքի գլխավոր էջում պետք է տեղադրվի համակարգի ապրանքանիշը:
  
• Առցանց խանութի կայքում անհրաժեշտ են առաջարկվող ծառայությանը համապատասխան տվյալների ընդունման հնարավորություններ (օրինակ` ծաղիկներ պատվիրելու դեպքում անհրաժեշտ է առաքման հասցե, օր, մոտավոր ժամ եւ այլ տվյալներ ընդունելու հնարավորություն):
  

 Մանրամասն տեղեկությունների համար դիմել «Իդրամ» վճարային համակարգի գրասենյակ.
Հեռ.` (+374 10) 56 97 07 , 54 65 44
Հասցե` Հանրապետության 49, 7/1
Էլ. փոստ` info@edram.am