1. Ի՞նչ է «Իդրամ» ID-ն (հաճախորդի անձնական սենյակը)։
«Իդրամ» ինտերնետ վճարային համակարգն իր յուրաքանչյուր հաճախորդին տրամադրում է պաշտպանված առանձին ինտերնետային տարածք, որտեղ հաճախորդը կատարում է առցանց վճարումներ եւ հետեւում է իր կողմից իրականացված վճարումների պատմությանը։
2. Ինչու՞ են պետք «Իդրամ» ID-ն և գաղտնաբառը։
«Իդրամ» համակարգում գրանցվելու ժամանակ համակարգը հաճախորդի համար ստեղծում է յուրօրինակ մուտքի անուն (login), որն իրենից ներկայացնում է 9-նիշ թիվ եւ հանդիսանում է հաճախորդի «Իդրամ» ID-ն: «Իդրամ» ID-ն և գաղտնաբառը (password) անհրաժեշտ են համակարգ մուտք գործելու համար, որտեղ հաճախորդը կարող է իր «Իդրամ» ID-ի միջոցով կատարել առցանց վճարումներ։
3. Ի՞նչ անել, եթե մոռացել եմ PIN-կոդը, գաղտնաբառը կամ «Իդրամ» ID-ն։
Փին-կոդը, գաղտնաբառը կամ «Իդրամ» ID-ն մոռանալու դեպքում անհրաժեշտ է Live Support-ի կամ հեռախոսազանգի միջոցով կապվել համակարգի օպերատորի հետ, այնուհետեւ հետեւել նրա ցուցումներին եւ անհրաժեշտության դեպքում անձամբ ներկայանալ «Իդրամ» վճարային համակարգի պաշտոնական գրասենյակ` ք.Երևան, Հանրապետության 49, 7/1 հասցեով։
Հաճախորդը պետք է ներկայացնի իր անձնագիրը, հայտնի իր «Իդրամ» ID-ին՝ եթե այն չի մոռացել, իր անունը եւ ազգանունը եւ էլեկտրոնային փոստի հասցեն, որը լրացրել է «Իդրամ» համակարգում գրանցվելիս:
Եթե հաճախորդը չի կարող անձամբ ներկայանալ գրասենյակ, ապա պետք է ուղարկի դիմում և նոտարի կողմից հաստատված իր անձնագրի սքանը info@idram.am էլեկտրոնային փոստին։ Դիմումի մեջ հաճախորդը պետք է նշի իր «Իդրամ» ID-ին, անունը և ազգանունը, էլեկտրոնային փոստի հասցեն, որը լրացրել է «Իդրամ» համակարգում գրանցվելիս, ինչպես նաև իր անձնագրի համարը։
Եթե հաճախորդի կողմից տրամադրված տվյալները համապատասխանում են համակարգում` գրանցման ժամանակ նրա կողմից մուտքագրված տվյալներին եւ հնարավորություն են տալիս համակարգում գտնել նրա «Իդրամ» ID-ն, ապա հաճախորդի կորցրած տվյալները փոփոխվում եւ/կամ վերականգնվում են:
4. Որքանո՞վ է անվտանգ «Իդրամ» համակարգը։
«Իդրամ» համակարգի անվտանգությունն ապահովվում է մի քանի մակարդակով: Համակարգում տվյալների տեղափոխման անվտանգությունն ապահովվում է SSL (Secure Socket Level) 128 բիթանոց կոդավորմամբ, որը բացառում է որեւէ երրորդ անձանց ներխուժումը դեպի համակարգի եւ հաճախորդի միջեւ փոխանակվող տվյալներ: Հաճախորդի «Իդրամ» ID-ն պաշտպանվում է գաղտնաբառով եւ ծածկագրով: Պաշտպանության այլ մակարդակների մասին տեղեկություններ կարելի է ստանալ այստեղ:
5. Ի՞նչ ժամկետներում է ինտերնետ-խանութը տեղեկացվում ապրանքի արժեքի փաստացի վճարման մասին։
Անհրաժեշտ «Իդրամ» միավորների առկայությունը ստուգելուց հետո, համակարգը դուրս է գրում պատվերի գումարը հաճախորդի կանխավճարի մնացորդից և անմիջապես դրանից հետո տեղեկացնում է խանութին վճարման իրականացման մասին։ Ամբողջ գործողությունը զբաղեցնում է մի քանի վայրկյան։
6. Ի՞նչ է նույնականացումը և ինչու՞ է այն անհրաժեշտ:
«Իդրամ» ինտերնետ վճարային համակարգի որոշ ծառայություններից օգտվելու համար անհրաժեշտ է անցնել նույնականացման գործընթաց:
Նույնականացման գործընթացն անհրաժեշտ է հաճախորդի ինքնությունը հաստատելու համար, ինչը, համաձայն Փողերի Լվացման և Ահաբեկչության Ֆինանսավորման դեմ պայքարի օրենքի, ինչպես նաև հաճախորդի ֆինանսական գործարքների անվտանգությունից ելնելով պարտադիր է: Նույնականացման գործընթացը բաղկացած է երեք փուլերից: Առաջին փուլում հաճախորդը նույնականացնում է իր բջջային հեռախոսահամարը և էլ. փոստի հասցեն: Երկրորդում` ճշգրտում է անձնական տվյալները: Երրորդ փուլը ավարտելու համար, հաճախորդը անձնագրով անցնում է “Իդրամ” ընկերության գրասենյակ` նույնականացման ակտիվացման կոդը ստանալու նպատակով ` Հանրապետության 49, 7/1 հասցեով: Եթե հաճախորդը բնակվում է շրջանում և Իդրամի գրասենյակը այցելելու հնարավորություն չունի, ապա պետք է անձնագրի նոտարով հաստատված թարգմանությունը հայերեն, ռուսերեն կամ անգլերեն լեզվով ուղարկի ընկերության փոստային հասցեին, ինչից հետո նույնականացման կոդը ընկերության համապատասխան աշխատողի կողմից նամակով կուղարկվի հաճախորդի գրանցման հասցեին:
7. Ինչպե՞ս կանխիկացնել գումարը Իդրամից դեպի բանկային հաշիվ
Իդրամ համակարգից գումար կանխիկացնելու հնարավորություն ունենալու համար նախ պետք է անցնել նույնականացման գործընթացը:
Իդրամ ID-ից դեպի բանկային հաշիվ գումար կանխիկացնելու համար հարկավոր է մուտք գործել անձնական Իդրամ ID, սեղմել “Կանխիկացում” կոճակը և ընտրել “Բանկ” տարբերակը:
Այնուհետև, բանկերի ցանկից ընտրելով համապատասխան բանկը որտեղ սպասարկվում է հաշիվը, հաճախորդը “Հաշիվ” դաշտում մուտքագրում է բանկային հաշվեհամարը, որին ցանկանում է փոխանցել գումարը: Եթե հաշիվը քարտային է, ապա նշումներ դաշտում անհրաժեշտ է գրել քարտի դիմային մասում նշված համարը և սեղմել հարցում` կանխիկացման հայտը ուղարկելու համար:
8. Ինչպե՞ս կարելի է լիցքավորել Իդրամ ID-ին
Իդրամ հաշիվը լիցքավորելու բազմազան տարբերակներ կան:
- Կանխիկ` Իդրամ ընկերության պաշտոնական գրասենյակում, ինչպես նաև «Հայբիզնեսբանկի» և «Արդշինինվեստբանկի» ցանկացած մասնաճյուղերում:
- Կանխիկ լիցքավորումը հնարավոր է իրականացնել նաև «Տանդեմ» կամ «Մեգափեյ» վճարային տերմինալների միջոցով
- «Արքա» վիրտուալ քարտի և VISA/Master քարտերի միջոցով
- «Webmoney» համակարգից www.nachange.com կայքի օգնությամբ
- Իդրամ կանխավճարային քարտերի միջոցով, որոնք կարելի է ձեռք բերել ինքնարժեքով Իդրամի գրասենյակում
- Բանկային փոխանցումով
Մանրամասն տեղեկությունների համար անցեք հետևյալ հղումով:
