«Իդրամ» վճարային համակարգը հասանելի է GPRS ծառայությանը միացված բոլոր բջջային աբոնենտների համար: «Իդրամ»-ի բջջային տարբերակը տեղակայված է www.edr.am կայքում եւ հաճախորդներին հնարավորություն է ընձեռնում անմիջապես բջջային հեռախոսի միջոցով վճարել իրենց կոմունալ վճարումները` ներառյալ հետվճարային բջջային քարտերի պարտքերը, ինչպես նաեւ լիցքավորել "ՎիվաՍել-ՄՏՍ", "Օրանժ" եւ "Բիլայն" կանխավճարային քարտերի հաշիվները ցանկացած գումարով` սկսած 100 դրամից:
Ստորեւ տրված է «Իդրամ» վճարային համակարգի բջջային տարբերակի միջոցով տրամադրվող ծառայությունների ամբողջական ցուցակը.
- Մուտք «Իդրամ» հաշիվ
- Հաշվի մնացորդի ստուգում
- Հաշվի լիցքավորում
- Կոմունալ վճարումներ
- Բջջային կանխավճարային քարտերի վերալիցքավորում ("ՎիվաՍել-ՄՏՍ", "Բիլայն", "Օրանժ")
- Ներքին փոխանցում
- «Իդրամ» միավորների կանխիկացում դեպի ընկերության գրասենյակում, ինչպես նաեւ «Հայբիզնեսբանկի» և «Արդշինինվեստբանկի» մասնաճյուղեր
